PhonePe ಮೂಲಕ ನಾನು ಇತರೆ ವೆಬ್‌ಸೈಟ್‌ಗಳು ಅಥವಾ ಆ್ಯಪ್‌‌ಗಳಲ್ಲಿ ನನ್ನ ಆರ್ಡರ್‌ಗಳಿಗೆ ಪಾವತಿ ಮಾಡುವುದು ಹೇಗೆ?

PhonePe ಮೂಲಕ ನೀವು ಇತರೆ ವೆಬ್‌ಸೈಟ್‌ಗಳು ಅಥವಾ ಆ್ಯಪ್‌‌ಗಳಲ್ಲಿ ಮಾಡುವ ಆರ್ಡರ್‌ಗಳಿಗೆ ಅಥವಾ ಖರೀದಿಗಳಿಗೆ ಈ ಕೆಳಗಿನಂತೆ ಪಾವತಿ ಮಾಡಬಹುದಾಗಿದೆ:

1. ವೆಬ್‌ಸೈಟ್‌ಗಳು ಅಥವಾ ಆ್ಯಪ್‌‌ಗಳ ಪಾವತಿ ಪುಟ ಅಥವಾ ಸ್ಕ್ರೀನ್‌ನಲ್ಲಿರುವ PhonePe UPI ಅಥವಾ UPI ಒತ್ತಿರಿ.
2. ಅಗತ್ಯವಿದ್ದಲ್ಲಿ ನಿಮ್ಮ UPI ಐಡಿ (VPA) ನಮೂದಿಸಿ.
3. ನೀವು SMS ಮೂಲಕ ಮತ್ತು ನಿಮ್ಮ PhonePe ಆ್ಯಪ್‌‌ನಲ್ಲಿ ಪೇಮೆಂಟ್ ರಿಕ್ವೆಸ್ಟ್ ನೋಟೀಫಿಕೇಶನ್ ಪಡೆಯುತ್ತೀರಿ. ಆಗ ಕೆಳಗಿನವುಗಳಲ್ಲಿ ಒಂದನ್ನು ಮಾಡಲು ನೀವು ಆಯ್ಕೆ ಮಾಡಬಹುದು:
   • SMS ನಲ್ಲಿ ಪಡೆದ ಲಿಂಕ್ ಅನ್ನು ಒತ್ತಿರಿ. ಆಗ PhonePe ಆ್ಯಪ್‌‌ನಲ್ಲಿ ಪಾವತಿ ಪುಟ ತೆರೆದುಕೊಳ್ಳುತ್ತದೆ. 
   • ನಿಮ್ಮ PhonePe ಆ್ಯಪ್‌‌ ತೆರೆಯಿರಿ. ಆಗ ತೆರೆದುಕೊಳ್ಳುವ ಪಾಪ್-ಅಪ್ ನಲ್ಲಿ ನೀವು ಬಿಲ್ಲಿಂಗ್ ಮೊತ್ತ ಮತ್ತು ಪಾವತಿಸಿ ಅಥವಾ ನಿರಾಕರಿಸಿ ಎಂಬ ಆಯ್ಕೆಗಳನ್ನು ನೀವು  ನೋಡುತ್ತೀರಿ. ಪಾವತಿ ಮಾಡಲು ಪಾವತಿಸಿ ಒತ್ತಿರಿ.
4. ನೀವು ಬಯಸುವ ಪಾವತಿ ಪ್ರಕಾರವನ್ನು ಆಯ್ಕೆಮಾಡಿ. ಲಭ್ಯವಿರುವ ಪಾವತಿ ಆಯ್ಕೆಗಳು:
   • UPI
   • ಡೆಬಿಟ್ ಕಾರ್ಡ್ 
   • ಕ್ರೆಡಿಟ್ ಕಾರ್ಡ್
5. ನೀವು ಆಯ್ಕೆ ಮಾಡಿದ ಪಾವತಿ ಪ್ರಕಾರಕ್ಕೆ ಅನುಗುಣವಾಗಿ UPI ಪಿನ್ / ಕಾರ್ಡ್ ವಿವರಗಳನ್ನು ನಮೂದಿಸಿ.
6. Submit/ಸಲ್ಲಿಸಿ ಒತ್ತಿರಿ.

ಪಾವತಿ ಯಶಸ್ವಿಯಾದ ನಂತರ, ನೀವು ವೆಬ್‌ಸೈಟ್ ಅಥವಾ ಆ್ಯಪ್‌‌ನಲ್ಲಿ ದೃಢೀಕರಣ ಪುಟವನ್ನು ನೋಡುತ್ತೀರಿ.

ಪ್ರಮುಖ ಸಂಗತಿ: ಯಾವುದೇ ಪಾವತಿಯನ್ನು ಅಧಿಕೃತಗೊಳಿಸುವ ಮೊದಲು ನೀವು ಪಾವತಿ ವಿನಂತಿಯ ಮೊತ್ತ ಮತ್ತು ಕಳುಹಿಸುವವರನ್ನು ಪರಿಶೀಲಿಸಿದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಪಾವತಿ ವಿನಂತಿಯನ್ನು ಅನುಮೋದಿಸಲು ನೀವು ಬಯಸದಿದ್ದರೆ ಅಥವಾ ನಿಮಗೆ ಅದರ ಕುರಿತು ತಿಳಿದಿಲ್ಲದಿದ್ದರೆ, ನಿರಾಕರಿಸಿ ಒತ್ತಿರಿ.