PhonePe-வில் வங்கிக் கணக்கைச் சேர்ப்பது எப்படி?

UPI பேமண்ட்டுகளைச் செய்வதற்கும் பிறரிடமிருந்து பணம் பெறுவதற்கும் உங்களிடம் ஏற்கனவே உள்ள வங்கிக் கணக்கை PhonePe-வில் சேர்க்கலாம். அதற்கு: : 

• நீங்கள் PhonePe-வில் பயன்படுத்தும் மொபைல் எண்ணும் உங்கள் வங்கிக் கணக்குடன் பதிவுசெய்துள்ள மொபைல் எண்ணும் ஒரே எண்ணாக இருக்க வேண்டும். 
• நீங்கள் சேர்க்க விரும்பும் வங்கிக் கணக்கிற்கு மொபைல் பேங்கிங் சேவைகளை ஆக்டிவேட் செய்திருக்க வேண்டும். மொபைல் பேங்கிங் சேவைகளை ஆக்டிவேட் செய்ய, உங்கள் வங்கியைத் தொடர்புகொள்ளவும்.
• சரிபார்ப்பு SMS ஒன்றை அனுப்ப உங்கள் மொபைல் எண்ணில் போதுமான பேலன்ஸ் இருக்க வேண்டும். உங்கள் தொடர்புகளில் உள்ள ஒருவருக்கு SMS ஒன்றை அனுப்பி, உங்களிடம் பேலன்ஸ் உள்ளதா என்பதைத் தெரிந்துகொள்ளலாம்.
• உங்களிடம் வலுவான இன்டர்நெட் இணைப்பும் மொபைல் நெட்வொர்க்கும் இருக்க வேண்டும். 

    PhonePe-வில் வங்கிக் கணக்கைச் சேர்க்க:

1. PhonePe ஆப் முகப்புத் திரையில் உங்கள் சுயவிவரப் படத்தைத் தட்டவும்
2. Payment Methods/பேமண்ட் முறைகள் பிரிவின் கீழ் Bank Accounts/வங்கிக் கணக்குகளைத் தட்டி Add New Bank Account/புதிய வங்கிக் கணக்கைச் சேர் என்பதைத் தட்டவும்.
3. பட்டியலிலிருந்து உங்கள் வங்கியைத் தேர்ந்தெடுக்கவும் அல்லது தேடல் பட்டியில் வங்கியின் பெயரை உள்ளிட்டு உங்கள் வங்கியைத் தேடவும். 
   குறிப்பு: பட்டியலில் உங்கள் வங்கி இடம்பெறவில்லை என்றால்,உங்கள் வங்கிக் கணக்கை PhonePe இல் சேர்க்க முடியாது. உங்கள் வங்கி பட்டியலிடப்படாவிட்டால் என்ன செய்வது என்பது பற்றி மேலும் அறிக.
4. சரிபார்ப்பு நோக்கங்களுக்காக, நீங்கள் பதிவுசெய்துள்ள மொபைல் எண்ணிலிருந்து SMS ஒன்று அனுப்பப்படும். கேட்கப்படும்போது, SMS அனுமதிகளை வழங்கவும்.
   குறிப்பு: உங்கள் PhonePe கணக்குடன் பதிவுசெய்துள்ள அதே மொபைல் எண்ணை உங்கள் வங்கிக் கணக்குடனும் பதிவுசெய்திருந்தால், UPI தளம் தானாகவே உங்கள் வங்கிக் கணக்கு விவரங்களைப் பெறும். 
5. பிற செயலியில் அந்த வங்கிக் கணக்கிற்கு UPI PIN-ஐ அமைக்கவில்லை என்றால், UPI PIN-ஐ அமை என்பதைக் கிளிக் செய்யவும். ஏற்கனவே UPI PIN-ஐ அமைத்திருந்தால், இணை என்பதைக் கிளிக் செய்யவும். 

SMS சரிபார்ப்பு தோல்வியடைந்தால் என்ன செய்யலாம் மற்றும் உங்கள் வங்கியில் மொபைல் எண்ணை எப்படி மாற்றலாம் என்பது குறித்து மேலும் அறியவும்.